Ina gaskiyar ganawar Tinubu da Kwankwaso?

Ikirari:

Wani shafin Facebook mai suna Tijjani Tj Hamza ya wallafa wani bidiyo inda yayi ikirarin cewa;

“Kwankwaso ya gana da shugaban kasa Bola Ahmed Tunubu, sun tattauna batun ceto Nigeria da kuma batun siyasa.”

((https://www.facebook.com/share/r/163AEFVoeG/?))

Shima wani shafin mai suna Yahuza Abdullahi ya wallafa irin wancan bidiyo ((https://www.facebook.com/share/r/15zd5YUEyM/?))

Wani shafin na Facebook shi kuma ya wallafa hotuna tare da ikirari cewa Kwankwaso ya gana da

“Kwankwaso ya gana da shugaban kasa Bola Tinubu a shirye shiryensa ba komawa jamiyyar APC“

((https://www.facebook.com/share/p/1ByypPAzyV/?))

Bincike:

Kafar tantance labarai ta Alkalanci ta duba shafin mai magana da yawun shugaban Najeriya inda babu wata wallafa makamanciyar wannan, haka zalika babu wannan bidiyo ko hotuna a shafin Sanata Kwankwaso.

Alkalanci ta gano cewa bidiyon da ake wallafawa tare da ikirarin cewa Sanata Kwankwaso ya gana da shugaba Tinubu tsohon bidiyo ne da aka dauka a watan Yunin shekarar 2023. Kamar yadda yake a wannan bidiyo da gidan jaridar TVC ya wallafa a wancan shekarar ta 2023.

((https://youtu.be/B9lkK3Gjyq0?si=ENA57ZkmGm0Sim5x))

Su ma hotunan an dauke su ne a shekarar ta 2023 kamar yadda gidan jaridar BBC Hausa ta wallafa a waccen shekarar.

((https://www.facebook.com/share/p/1FQ6B1YPt9/?))

Bisa kasa samun bidiyo da hotuna daga fadar shugaban kasa da shafin Sanata Kwankwaso, da kuma samun tabbacin cewa bidiyo da hotunan da ake yadawa an dauke su ne a shekarar 2023 yasa Alkalanci yanke hukuncin cewa kokarin kawar da hankulan mutane ne.