Akwai dai magungunan gargajiya a Afrika da likitanci ya amince da su, kuma an sha yi shekaru aru-aru ana dacew, to sai dai akwai wasu da kan kasance kodai suna da illa ko kuma ba maganin abinda aka ce sunayi bane.
Batu:
Akwai wani shafin Facebook mai suna HANAFARi ya wallafa wani ikirari da hotuna a ranar 7 ga watan Janairun 2025 inda yake cewa; “Masu fama da irin wanan kurajen su markada lemon 🍋 TSAMI da citta surinka shafawa inshallahu kurajen zasu mutu.”
Bincike:
Kasancewar wannan batu ne daya shafi fata kafar bindiddigi da bincike ta Alkalanci ta tuntubi wata kwararriyar likitar fata dake aiki a cibiyar lafiya ta kasa dake Jabi Abuja mai suna Dakta Zainab Babba Danagundi inda ta bayyanawa Alkalanci cewa a kimiyyance ba gaskiya bane domin kuwa mai makon magani ga fata hadin citta da lemon tsami illa zaiwa fata.
“Wadannan irin kuraje dake hoton da akai wannan ikirari ana iya yankesu ne ko kuma a konasu da machine, ba’a amfani da lemon tsami ko citta.”
Dakta Zainab ta kara da cewa “citta iya kawo borin jini ma fata (irritate) yayin da lemon tsami na iya haddasa matsalar fata Idan mutum ya sha fa kuma ya shiga rana (photosensitivity rash) a wasu lokuta ma sai kaga fatar mutum tayi kamar ta kone.”
Sakamakon bincike:
Bisa la’akari da bayanan kwararriyar likitar fata na matsalolin da shafa citta da lemon tsami zai iya haddasawa fata da kuma rashin sahihan alkaluma da bayanai a kimiyyance yasa Alkalanci yanke hukuncin cewa wancan ikirari na citta da lemon tsami na maganin wasu kuraje iƙirarin ƙarya ne.
